Şahidlərin müdafiəsi proqramı

Universitet müəllimi Kamilla sevgilisi Rafaelin əslində qaniçən qatil olduğunu anladıqda həyatı alt-üst olur. Kişinin evində təsadüfən qurbanların şəkillərini və sübutları tapan qadın, hədəflər arasında öz fotosunu da görür. Yeniyetmə qızının vaxtında etdiyi zəng sayəsində evdən qaçmağı bacaran Kamilla dərhal polisə müraciət edir.

Qadının ifadələri əsasında manyak həbs olunaraq ömürlük cəzaya məhkum edilir, lakin bir neçə aydan sonra o, həbsxanadan qaçır. Təhlükəsizliyi təmin etmək üçün FTB ana və qızını xüsusi şahidlərin müdafiəsi proqramına daxil edir, onların şəxsiyyətlərini dəyişərək başqa bir şəhərə köçürür.

«Witness Protection» adlı Kanada triller filmi rejissor Devid DeKoto tərəfindən çəkilib və 2019-cu ildə təqdim olunub. Əsas obrazları Yansi Batler, Keris Kameron, Ceyms Dryu Din və Lesle Donaldson canlandırıb.