Həddə çatmış ana

«A Mother on the Edge» filmi qızı Lorinin qəfil yoxa çıxması ilə üzləşən Blerin ətrafında cərəyan edir. Qadın övladını axtarmağa başlayanda yaxınları və ətrafdakı insanlar ona heç kimin gözləmədiyi qəribə bir cavab verirlər.

Camaat qızcığazın bir ildən çoxdur dünyasını dəyişdiyini iddia edir. Ətrafdakıların uşağın varlığını tamamilə inkar etməsi Blerin öz ağlından şübhələnməsinə gətirib çıxarır. Bütün deyilənlərə baxmayaraq, ana həqiqəti tapmaq və qızını xilas etmək qərarından dönmür.

Kanada istehsalı olan bu triller 2019-cu ildə rejissor Ceyson Burk tərəfindən lentə alınıb. Baş rolları Kelli Tibo, Mett Hemilton, Lina Renna və Elison Vandzura canlandırıblar.