Awe!

Kali adlı gənc qadın öz doğum günündə həyatına son qoymaq qərarına gəlir və bu məqsədlə bir restorana üz tutur. Eyni vaxtda həmin məkanda fərqli problemləri və gizli niyyətləri olan başqa insanlar da toplaşır.

Restoranın qonaqları və işçiləri arasında asılılığı olan bir ofisiant, sehrbaz, özünü baş aşpaz kimi qələmə verən yalançı, zamanda səyahət etməyi arzulayan bir nəfər və bir-birinə aşiq iki qız var. Məkandakı hər bir personajın başına gələn hadisələr paralel şəkildə inkişaf edərək tədricən vahid bir hekayədə birləşir.

Hindistan istehsalı olan «Awe!» trilleri 2018-ci ildə nümayiş olunub. Ekran əsərinin rejissoru Prasanth Varmadır, baş rolları isə Kajal Aggarwal, Nithya Menen, Srinivas Avasarala və Regina Cassandra canlandırıblar.