Sabrina

Avtomobil qəzasında azyaşlı qızlarını itirən valideynlərin ailəsi bu faciəyə tab gətirməyərək dağılır. Həmin dəhşətli hadisə vaxtı uşağın əlində ən sevimli oyuncağı olan Sabrina adlı gəlincik var idi. Bir müddət sonra qadın oyuncaq istehsalı ilə məşğul olan bir biznesmenlə yeni ailə qurur.

Yeni həyat yoldaşı xanımına dəstək olmaq üçün həmin gəlinciyin dəqiq surətini hazırlamaq qərarına gəlir. Lakin bu addım ailəyə rahatlıq gətirmir və tezliklə qorxulu hadisələrin başlanğıcına çevrilir. Uşağın xatirəsini daşıyan bu yeni fiqur evə qaranlıq təhlükələr gətirir.

İndoneziya istehsalı olan «Sabrina» qorxu və triller filmi 2018-ci ildə rejissor Roki Soraya tərəfindən lentə alınıb. Layihənin əsas rollarında Luna Maya, Kristian Suqiono, Sara Vicayanto və Ceremi Tomas çəkiliblər.