Psixopat kraliça

Yaxın rəfiqəsi və həmkarının müəmmalı intiharından sonra riyaziyyat müəllimi Culi Teylor yerli məktəbin yuxarı siniflərində dərs deməyə başlayır. Anası ilə birlikdə bu təhsil ocağına onun utancaq qızı Miya da keçir. Qız yeni mühitdə tez bir zamanda məktəbin ən populyar şagirdi olan Emi ilə yaxınlaşır və onun himayəsi altına girir.

Çox keçmir ki, bu dostluğun arxasında təhlükəli niyyətlərin dayandığı üzə çıxır. Emi məzuniyyət gecəsinin kraliçası olmaq fikrinə həddindən artıq aludə olub və istəyinə çatmaq üçün hər kəsi manipulyasiya edir. Culi isə keçmiş həmkarının qəfil ölümünün təsadüf olmadığını və şagirdin qisas dolu iddialarının real təhdid yaratdığını anlamağa başlayır.

«Mean Queen» filmi 2018-ci ildə Kanadada çəkilib və triller janrındadır. Ekran əsərinin rejissoru Filipp Qanyondur, baş rolları isə Zoi MakLellan, Elli Makdonald, Nia Roam və Anana Ridvald canlandırıb.