Bhaagamathie

Gənc qadın dürüst bir nazirin katibi kimi fəaliyyətə başlayır. Bir müddət sonra həmin siyasətçi müxalifət sıralarına qoşulur. Çox keçmədən hökumət nümayəndələri qadını qaçıraraq hədə-qorxu yolu ilə nazirə qarşı ifşaedici dəlillər əldə etmək üçün tərk edilmiş qədim malikanəyə aparırlar.

Lakin dustaq edildiyi bu tarixi məkan keçmiş hökmdar Bhaagamathienin adı ilə bağlıdır. Hadisələr qorxulu məcraya yönəlir və qədim kraliçanın ruhu katibənin bədənini ələ keçirməyə başlayır.

Qorxu və triller janrında çəkilmiş Hindistan istehsalı «Bhaagamathie» filmi 2018-ci ildə ekranlara çıxıb. Layihənin rejissoru Aşok C.-dir, əsas rolları isə Anuşka Şetti, Unni Mukundan, Murli Şarma və Devadarşini Çetan canlandırıb.