Dəyərlər

Liza və Hezer adlı köhnə rəfiqələr yeniyetmə qızlarını birlikdə böyüdürlər. Lakin qızları Ember və Kellinin dostluğu gözlənilməz sınaq qarşısında qalır: hər ikisinin Aleks adlı eyni gənclə gizlicə görüşdüyü üzə çıxır. Baş verən mübahisədən qısa müddət sonra oğlan pilləkənlərin yanında ölümcül xəsarətlərlə tapılır.

Bütün şübhələr və cinayət yerindəki sübutlar Emberin əleyhinə yönəlir, çünki onun hadisə anında orada olduğu təsdiqlənir. Qız həbs edilir və anası Liza qızının günahsızlığını sübut etmək üçün həqiqi qatili tapmağa qərar verir.

«Precious Things» («Dəyərlər») triller filmi 2017-ci ildə Kanadada rejissor Maks Makquayr tərəfindən çəkilib. Ekran əsərində baş rolları Viktoriya Prett, Kristina Koks, Sara Fişer və Hanna Vandenbiqor canlandırıblar.