Gəlincik 2

Mayra və Aldo qızları Kaylanın bədbəxt hadisə nəticəsində ölümündən sonra ağır sınaq qarşısında qalırlar. Faciədən sonra ata bütün diqqətini işinə yönəltsə də, ana dərin sarsıntı keçirir. Hadisədən altı ay keçdikdən sonra Mayra dünyasını dəyişmiş övladının varlığını duymağa başlayır və əvvəlcə bunun xəyal olduğunu düşünür.

Evdə qapıların öz-özünə açılması və xarab televizorun qəfil işə düşməsi hadisələri daha da qəlizləşdirir. Rəfiqəsi Elzanın məsləhəti ilə ana uşağın sevimli oyuncağı vasitəsilə ruhlar aləminə müraciət edir. Qızının oyuncaqda məskən saldığına inanan Mayra ekstrasensləri çağırsa da, evə gələn mütəxəssislər o biri dünyadan gələn qüvvələrin böyük təhlükə yaratdığı barədə xəbərdarlıq edirlər.

«The Doll 2» İndoneziya istehsalı olan qorxu və triller filmidir. Ekran əsəri 2017-ci ildə rejissor Roki Soraya tərəfindən çəkilib. Baş rolları Herjunot Ali, Luna Maya, Sara Wijayanto və Maria Sabta canlandırıblar.