İçimizdəki şər

Altı nəfərdən ibarət dost qrupu 4 İyul bayramını qeyd etmək məqsədilə adada yerləşən kənar bir evə yollanır. Əyləncəyə əvvəlcədən hazırlaşan gənclər özləri ilə birlikdə spirtli içkilər və müxtəlif narkotik maddələr götürürlər.

Şənliyin qızğın çağında qəbul edilən maddələr təsirini göstərməyə başlayır və istirahət nəzarətdən çıxır. Yaxın yoldaşlar qəfil bir-birlərinə qarşı qatı düşmənə çevrilərək bir-birlərini sözün əsl mənasında parçalamağa hazır vəziyyətə gəlirlər.

Kanada istehsalı olan «The Evil in Us» qorxu filmi rejissor Ceyson Vilyam Li tərəfindən 2015-ci ildə çəkilib. Triller janrındakı ekran əsərinin əsas obrazlarını Debs Hovard, Denni Zaporozan, Behtaş Fazlali və İen Kollinz canlandırıblar.