Siçanlar və insanlar haqqında

Böyük depressiya illərində iki yaxın yoldaş iş dalınca Amerika yollarında sərgərdan gəzməli olur. Ağıllı və dözümlü Corc zehni cəhətdən zəif olan dostu Lenniyə daim göz-qulaq kəsilir. Uğur onlardan tez-tez üz döndərsə də, Corc yoldaşını heç vaxt tək qoymur, çünki nəzarətsiz qalan Lenninin dərhal bəlaya düşəcəyini yaxşı bilir.

Yoldaşlar nəhayət Tayler rançosuna gəlib çıxır və orada özlərinə zəhmət tələb edən iş tapırlar. Lakin yeni məkanda bir müddət çalışdıqdan sonra hər iki dostun həyatını alt-üst edən və geri dönüşü olmayan faciəvi bir hadisə baş verir.

1992-ci ildə ABŞ-da lentə alınmış «Of Mice and Men» dram filminin rejissoru Qəri Sinizdir. Əsas rolları Con Malkoviç, Qəri Siniz, Rey Uolston və Keysi Semaşko canlandırıblar.