Düşmənlər

1892-ci ildə Nyu-Meksikoda illərlə yerli xalqlarla döyüşmüş kapitan Cozef Bloker təqaüdə çıxmağa hazırlaşır. Lakin ordu rəhbərliyi ona sonuncu tapşırığı verir: yeddi il həbsdə saxlanılan və ölüm ayağında olan şayenn tayfa başçısı Sarı Qırğını ailəsi ilə birlikdə doğma torpaqları Montanaya aparmaq. Aralarındakı qədim nifrətə baxmayaraq, zabit əmrə tabe olaraq əsirləri zəncirləyir və kiçik dəstəsi ilə yola düşür.

«Hostiles» filmi qorxulu və təhlükəli yollardan keçən bu kiçik qrupun çətin səfərindən bəhs edir. Səfər əsnasında əsgərlər komançilərin hücumu nəticəsində əri və uşaqları qətlə yetirilmiş, kədərdən sarsılmış tənha bir qadınla qarşılaşırlar. Hərbçilər duldur qadını da özləri ilə aparır, daxili gərginlik və ətrafdakı təhlükələr fonunda hərəkətə davam edirlər.

ABŞ istehsalı olan bu vestern dramının rejissoru Skott Kuperdir. Layihənin baş rollarını Kristian Beyl, Rozamund Payk, Ues Styudi və Rori Kokreyn canlandırıb. Ekran əsəri 2017-ci ildə nümayiş olunub.