Şərəf naminə

Ordu islahatları zamanı atlı qoşunların yerini zirehli texnikanın alması qərara alınır və general Makartur xidməti atların pulemyotlarla məhv edilməsini əmr edir. Bu qəddarlığa dözə bilməyən bir neçə süvari hərbçi üsyan qaldırır. Onlar dörd yüz döyüş atını xilas edərək yerli hindulara təhvil vermək üçün yola çıxırlar.

Fərarilərin ardınca onları saxlamaq və ya birbaşa məhv etmək tapşırığı ilə xüsusi hərbi dəstələr göndərilir. Eyni vaxtda köhnə polkovnikin qızı ordudakı bu qırğın barədə mətbuatı ayağa qaldırır. Heyvanların xilası əsl vicdan və ləyaqət sınağına çevrilir.

Rejissor Ken Olinin çəkdiyi «Şərəf naminə» (In Pursuit of Honor) filmi real hadisələrə əsaslanan 1995-ci il ABŞ istehsalı dramdır. Əsas rollarda Don Conson, Kreyq Şeffer, Qabriel Ənvər və Bob Qanton çəkiliblər.