Böyük qorxu

Mərcdə atını uduzan Patrik Brennan uzun yolu piyada getməyə məcbur qalır. Çox keçmədən yeni evlənmiş Uillard və Doretta Mimsin olduğu poçt arabası onu yolda götürür. Lakin növbəti dayanacaqda sərnişinlər silahlı cinayətkarların pusqusuna düşürlər.

Dəstəyə başçılıq edən Frenk Eşer Dorettanın varlı mis mədəni sahibinin qızı olduğunu öyrənir və dərhal girov müqabilində pul tələb etməyə qərar verir. Tələbin cavabını gözlədikləri 24 saat ərzində gərginlik getdikcə artır, eyni zamanda Brennan ilə Doretta arasında yaxınlıq yaranır.

«Böyük qorxu» (The Tall T) filmi 1957-ci ildə ABŞ-da lentə alınıb. Badd Bottiçerin rejissorluq etdiyi bu vestern ekran əsərində baş rolları Morin O’Sallivan, Riçard Bun, Skip Homeyer və Artur Hannikat canlandırıb.