Qurdlarla rəqs edən

ABŞ-da Vətəndaş müharibəsi dövründə leytenant Con Danbar döyüşdə yaralandıqdan sonra xidmət yerini dəyişmək istəyir. O, ölkənin qərb sərhədinə, uzaqda yerləşən kiçik bir forta göndərilməsini xahiş edir. Lakin təyinat məntəqəsinə çatanda hərbi məntəqənin tamamilə boş qaldığını görür.

Komandirin intihar etməsi və onu gətirən yol yoldaşının yerli hindularla toqquşmada həlak olması leytenantı tam təcrid vəziyyətinə salır. Heç kim Danbarın təkbaşına bu qalada qaldığından xəbər tutmur. Zabit çətin təbiət şəraitində yaşamağa uyğunlaşır və tədricən yerli Şimali Amerika sakinləri ilə ünsiyyət qurub dostlaşır.

«Dances with Wolves» tarixi dram filminin rejissoru həm də baş rolu canlandıran Kevin Kostnerdir. Ekran əsərində digər rolları Meri Makdonnell, Qrem Qrin və Rodni A. Qrant ifa ediblər. ABŞ və Böyük Britaniyanın ortaq istehsalı olan bu kinolent 1990-cı ildə təqdim olunub.