Tənha qəhrəman

Birləşmiş Ştatlarda «quru qanun» hökm sürdüyü illərdə Con Smit adlı muzdlu atıcı Meksika sərhədinə doğru yollanır. O, yolüstü Texasın kimsəsiz kiçik bir qəsəbəsinə gəlib çıxır. Burada qanunsuz spirtli içki alveri ilə məşğul olan iki rəqib dəstə kök salıb: irlandiyalı Doylun və italyan Strozziyə tabe olan cinayətkarlar.

İki qruplaşma şəhərdə hakimiyyət uğrunda amansız və qanlı mübarizə aparır. Yaranmış vəziyyətdən öz məqsədləri üçün yararlanmaq istəyən Smit hər iki tərəflə gizli oyun qurur. O, gah bir cinayətkar qrupa, gah da digərinə xidmət edərək silahını növbə ilə hər iki tərəfin nümayəndələrinə qarşı çevirir.

«Tənha qəhrəman» («Last Man Standing») vestern elementləri daşıyan döyüş filmidir və rejissoru Uolter Hilldir. Baş rolda Brüs Uillis çəkilib, digər obrazları isə Kristofer Uoken, Brüs Dern və Uilyam Sanderson canlandırıb. ABŞ istehsalı olan bu ekran əsəri 1996-cı ildə təqdim edilib.