Frank və Cessi

ABŞ-da Vətəndaş müharibəsi başa çatdıqdan sonra şimallı qaliblər cənub torpaqlarına axışır. Dəmir yolu çəkən bankirlər torpaqlarını ucuz qiymətə satmaq istəməyən yerli sakinləri amansızlıqla aradan götürürlər. Muzdlu qatil Frank və Cessi Ceymsin gözü qarşısında onların atasını və kiçik qardaşını qətlə yetirir.

Yaxınlarının intiqamını alan qardaşlar Yanger qardaşları ilə güclərini birləşdirirlər. Bu dəstə bankları və poçt qatarlarını qarət etməyə başlayır. Cinayətkarların arxasınca isə kriminal aləmin qatı düşməni kimi tanınan xəfiyyə Allen Pinkerton düşür.

«Frank & Jesse» filmi 1994-cü ildə rejissor Robert Boris tərəfindən çəkilib. ABŞ istehsalı olan bu bioqrafik vestern dramında baş rolları Cim Flauers, Con Pekston, Johnathon Gorman və Tom Çik canlandırıblar.