BloodRayne II: Deliverance

«Chicago Chronicle» qəzetinin müxbiri Vəhşi Qərb haqqında məqalə hazırlamaq üçün ucqar bir qəsəbəyə yollanır. Lakin jurnalist burada fövqəltəbii hadisələrin və qanlı qarşıdurmanın tam mərkəzinə düşür. Yaşayış məntəqəsi 357 yaşlı vampir Billi Kidin rəhbərlik etdiyi dəstə tərəfindən hədəfə alınıb. O, Yeni Dünya qurmaq məqsədilə yerli kişiləri qaniçənlərə çevirərək özünə ordu toplayır.

Bu qüvvə ilə mübarizə apara biləcək tək varlıq isə yarımvampir Reyndir. O, qəsəbəyə gələn jurnalist, keşiş və bir fermerlə birləşərək kəndliləri məhv olmaqdan xilas etmək üçün canavarlara qarşı döyüşə atılır.

«BloodRayne II: Deliverance» filmi vestern, fentezi, döyüş və qorxu janrlarını birləşdirir. 2007-ci ildə Kanada istehsalı olan bu ekran əsərini rejissor Uve Boll çəkib, əsas obrazları isə Taya Kaliçetto, Cemi Svitç, Araş Virani və Şteffen Mennekes canlandırıb.