Solğun atlı

1850-ci ilin yayında Şimali Kaliforniyada qızıl axtaranların düşərgəsində gərginlik yaranır. Böyük mədən şirkətinin sahibi müstəqil zəhmətkeşlərdən torpaqları dərhal tərk etməyi tələb edir. Əks halda o, insanları güc yolu ilə qovacağı ilə hədələyir. Qorxu içində olan qızıl axtaranlar bu təzyiqlər qarşısında çarəsiz qalırlar.

Bir gün onların düşərgəsinə heç kimin tanımadığı qəribə bir atlı gəlir. Sakinlər bu sirli yadelliyə Vaiz adını verirlər. O, hücumlara məruz qalan insanları müdafiə etməyi və ədalətsiz şirkət rəhbərinə qarşı qisas almağı öz üzərinə götürür.

1985-ci ildə ABŞ-da istehsal olunmuş «Solğun atlı» (Pale Rider) vestern filminin rejissoru Klint İstvuddur. Baş rolları Klint İstvud, Maykl Moriarti, Kerri Snodqress və Kris Penn canlandırıblar.