Red Hill

Gənc polis Şeyn Kuper hamilə həyat yoldaşı ilə birlikdə sakit bir həyat qurmaq üçün əyalət qəsəbəsinə köçür. Lakin asayiş keşikçisinin yeni məkandakı ilk iş günü gözlənilməz hadisələrlə başlayır.

Bir sıra ağır qətllərdə təqsirli bilinərək həbsə atılmış Cimmi Konvey həbsxanadan qaçmağı bacarır. O, vaxtilə onu dəmir barmaqlıqlar arxasına göndərən hər kəsdən, xüsusən də yerli şerif şöbəsinin əməkdaşlarından qisas almaq niyyətindədir. Qəsəbə qanlı qarşıdurma meydanına çevriləndə və yerli polis təşvişə düşəndə, Şeyn vəziyyəti təkbaşına idarə etmək məcburiyyətində qalır.

2010-cu ildə çəkilmiş «Red Hill» Avstraliya istehsalı olan kriminal vestern dramıdır. Filmin rejissoru Patrik Hyuzdur, baş rolları isə Rayan Kvanten, Kliff Ellen, Riçard Sazerlend və Eddi Baru canlandırıb.