Painted Woman

Culiya Riçards adlı gənc qadın varlı bir ağanın evində ağır şərtlər altında yaşayır. O, bu mülkdə həm xidmətçi, həm sahibinin yaxın sirdaşı, həm də onun qəzəb və zorakılığına hədəf olan bir kimsəsiz rolunu oynayır.

Evə Frenk Din adlı amansız bir qatilin gəlişi ilə hadisələr yeni məcraya yönəlir. Qəribə şəkildə Culiyanın etibarını qazanan bu təhlükəli adamın qadını bu əsarətdən qurtarmaq istədiyi, yoxsa sadəcə ona sahib çıxmaq üçün tələ qurduğu bəlli deyil.

2017-ci ildə ABŞ-da istehsal olunmuş «Painted Woman» filmi vestern və melodrama janrlarını birləşdirir. Ekran əsərinin rejissoru Ceyms Kotten, baş rol ifaçıları isə Stef Douson, Devid Cenkins, Markus Fredjo və Lorel Harrisdir.