Amerikalı quldurlar

Vətəndaş müharibəsi bitdikdən sonra Cessi və Frenk Ceyms qardaşları doğma Liberti şəhərinə qayıdırlar. Lakin evdə onları yeni təhlükə gözləyir: dəmir yolu maqnatı Tadeuş Reyns yeni xətt çəkmək üçün yerli sakinləri torpaqlarından çıxarmağa çalışır. Varlı maqnata bu işdə məşhur xəfiyyə Alan Pinkerton dəstək verir.

Doğma yurdlarını qorumaq istəyən qardaşlar keçmiş döyüş yoldaşlarından və yerli sakinlərdən ibarət dəstə yaradırlar. Onlar tikintini maliyyələşdirən bankları qarət edir, dəmir yolunun çəkilişinə mane olur və təchizatı sıradan çıxarırlar. Çox keçmədən Pinkerton onların izinə düşür və genişmiqyaslı təqib başlayır. Dəstə daxilində yaranan fikir ayrılıqları isə vəziyyəti daha da çətinləşdirir.

«Amerikalı quldurlar» filmi 2001-ci ildə ABŞ-da rejissor Les Meyfild tərəfindən çəkilib. Bu döyüş-vesternində baş rolları Kolin Farrell, Skott Kaan, Eli Larter və Qebriel Maxt canlandırıb.