Tumbstounda ölü

Meksikalı quldur Gerrero Hernandez doğma qardaşını həbsxanadan xilas edir, lakin azadlığa qovuşan qardaş ona xaincəsinə qəsd edərək onu qətlə yetirir. Ən yaxın adamının xəyanəti dəstə başçısının həyatına son qoysa da, onun yolu burada bitmir.

Ölülər dünyasında Hernandez El Diablo kimi tanınan iblislə razılaşma bağlayır. Yaşayanların arasına qayıtmaq imkanı qazanan cinayətkar, ona xəyanət edənlərdən intiqam almaq və hesabı bağlamaq üçün geri dönür.

2012-ci ildə ABŞ-da lentə alınan «Dead in Tombstone» filmi vestern, qorxu və döyüş elementlərini özündə birləşdirir. Ekran əsərinin rejissoru Roel Reyn, baş rolların ifaçıları isə Daniel Pisika, Radu Yakoban, Kolin Meys və Entoni Maykl Holdur.