Araf

Qərb səhrasının tən ortasında Sakit Liman adlı kiçik bir qəsəbə yerləşir. Burada yaşayan insanlar dinc həyat sürür, şerif silah gəzdirmir, şəhərcikdə isə hətta həbsxana da yoxdur. Lakin bu sakitlik aldadıcıdır: yerli sakinlərin simasında çoxdan qətlə yetirilmiş Billi Kid, Cessi Ceyms, Dok Holidey və Vəhşi Bill Hikok kimi əfsanəvi atıcıları tanımaq mümkündür.

Bu qəribə məkan əslində dünya ilə axirət arasında qalan Arafdır. Vaxtilə həyatını itirmiş bu məşhur quldurlara ruhlarını xilas etmək və ya onları birdəfəlik itirmək üçün son şans verilir. Sakit qəsəbəyə Blekcek dəstəsi yaxınlaşdıqda onlar taleyüklü seçim qarşısında qalırlar.

1999-cu ildə ABŞ-da istehsal olunmuş «Purgatory» fantastik vestern filminin rejissoru Uli Edeldır. Ekran əsərinin baş rollarında Sem Şepard, Riçard Edson, CeyDi Sauzer və Şennon Kenni çəkiliblər.