Rio Qrande

Rio-Qrande çayı sahilində yerləşən ucqar hərbi qalada xidmət sərt nizam-intizam tələb edir. Qarnizona rəhbərlik edən podpolkovnik Kərbi York orduya yeni qatılan əsgərlərin arasında doğma oğlu Ceffi görür. Zabit oğluna qarşı xüsusi rəğbət bəsləsə də, ordu həyatında ona heç bir güzəşt etmək fikrində deyil.

Ceff isə öz növbəsində atasına dözümlü və bacarıqlı bir əsgər olduğunu sübut etməyə çalışır. Tezliklə qalaya polkovnikin ayrıldığı həyat yoldaşı Ketlin gəlir. Qətiyyətli qadın oğlunu hərbi xidmətdən uzaqlaşdırmaq və eyni zamanda ərinin sevgisini yenidən qazanmaq niyyətindədir.

«Rio Qrande» filmi rejissor Con Ford tərəfindən lentə alınıb. 1950-ci ildə ABŞ-da istehsal olunmuş layihədə baş rolları Con Ueyn, Morin O’Hara, Ben Conson və Klod Carmon kiçik canlandırıb.