Tekumze

XIX əsrin əvvəllərində Şimali Amerikada gəlmələr yerli qəbilələri ata-baba torpaqlarından çıxarmaq üçün yeni üsula əl atırlar. Onlar saxta alqı-satqı müqavilələri bağlayaraq yerliləri qərbdəki məhsulsuz ərazilərə köçməyə məcbur edirlər. İndiana qubernatoru Harrison bu işdə ən amansız mövqe tutur.

Şauni qəbiləsinin başçısı Tekumze bu gedişatı dayandırmaq məqsədilə xalqları bir araya gətirir. Yeni birlik torpaqları ümumi mülkiyyət elan edərək onların satışını qadağan edir və bu qərara qarşı çıxan rəhbərlər öldürülür. Lakin 1811-ci ildə liderin yoxluğundan istifadə edən Harrison onların düşərgəsinə basqın edir. Sağ qalanlar Kanadaya qaçaraq ingilislərin tərəfində döyüşsə də, məğlubiyyətdən sonra tək buraxılırlar.

1972-ci il istehsalı olan «Tekumze» macəra filmini ADR-də rejissor Hans Kratsert lentə alıb. Əsas rolları Qoyko Mitiç, Annekatrin Bürqer, Rolf Römer və Leon Nemçik canlandırıblar.