Sərhəd

Meksika istehsalı olan «Frontera» dramatik döyüş filmi atalarının vəfatından sonra yenidən görüşməli olan iki qardaşdan bəhs edir. Dünyasını dəyişən ata cəmiyyət arasında tanınan nüfuzlu sima olmaqla yanaşı, gizli şəkildə narkokartelə qanunsuz silah satışı ilə məşğul olub.

Qardaşlar qanunun tamamilə fərqli tərəflərində yer alıblar. Onlardan biri siyasi kampaniya ərəfəsində atasının qaranlıq keçmişini ört-basdır etməyə çalışır, digəri isə ailənin keçmiş təhlükəli biznesinə daha dərindən cəlb olunur.

Ekran əsərinin rejissoru Markos Almadadır. 2018-ci ildə nümayiş olunan bu vestern dramında əsas rolları Roque Alejandro, Jorge Alonso, Alma Aranda və Ricardo Cardenas canlandırıb.