Böyük dalğa

On beş yaşlı yeddi yeniyetmə — dörd qız və üç oğlan — Avstraliyanın nüfuzlu serfinq akademiyası «Solar Blue»ya qəbul olunurlar. Bir il davam edəcək bu sınaq müddətinin sonunda yalnız iki nəfər, bir qız və bir oğlan qalacaq. Yekun imtahanları uğurla verən qaliblər sevdikləri idman növü ilə peşəkar məşğul olmaq üçün üçillik müqavilə qazanacaqlar.

İdmançılar yalnız dalğalarla mübarizə aparmır, həm də eyni dam altında yaşayaraq müstəqil həyatın çətinliklərinə öyrəşirlər. Qaydalara görə ev işlərini bölüşmək məcburiyyətində qalan gənclər arasında bəzən narazılıqlar yaranır. Özünü idarə etmək və kollektivdə yola getmək bacarığı da ümumi imtahanın vacib bir hissəsinə çevrilir.

Avstraliya istehsalı olan «Blue Water High» serialı 2005-ci ildə ekranlara çıxıb və iki mövsümdən ibarətdir. Ailəvi dram janrında çəkilən layihənin rejissorları Ralf Strasser və Markus Kouldur, əsas rolları isə Sofi Lak, Keyt Bell, Martin Layns və Liz Börç canlandırıblar.