Qulliverin səyahəti

Uzun illər davam edən səfərlərdən qayıdan gəmi həkimi ailəsinə ağlasığmaz hekayələr danışır. O, özünü nəhəng kimi hiss etdiyi balaca cırtdanlar diyarından və bir zərrə qədər göründüyü nəhənglər ölkəsindən bəhs edir. Ətrafdakı insanlar onun danışdıqlarını şübhə ilə qarşılasalar da, bu qəribə nağıllara sidq-ürəkdən inanan yeganə şəxs oğlu olur.

Səyyahın xatirələrinə görə, o, təkbaşına bütöv bir donanmaya qarşı vuruşmalı və iri vəhşi eşşəkarıları ilə döyüşməli olub. Taleyi onu alimlərin havada uçan adasına, daha sonra isə danışan müdrik atların məskəninə aparıb çıxarıb. Macəraları zamanı qəhrəman ölülərin ruhları ilə təmasda olub və hətta əbədi yaşamaq fürsətinə çox yaxınlaşıb.

«Gulliver's Travels» serialı 1996-cı ildə ABŞ və Böyük Britaniyanın birgə istehsalı kimi təqdim olunub. Fantaziya janrındakı layihənin rejissoru Çarlz Störricdir. Əsas rolları Ted Denson, Meri Stinbergen, Ceyms Foks və Robert Hardi canlandırıblar.