Ailə albomu

Əlli beşinci ildə Leninqrad yaxınlığındakı bağ evində Kolokoltsev ailəsinin bir neçə nəsli bir yerdə yaşayır. Akademik olan ailə başçısının oğlu da fizika elmində böyük addımlar atan istedadlı bir alimdir. Onların yanında həyat yoldaşları və iki qız övladı — Olqa ilə Katya da var. Lakin gənc fizikin mühüm kəşf astanasında olan elmi layihəsinin qəfil dayandırılması və ardınca onun müəmmalı şəkildə həyatını itirməsi hər şeyi alt-üst edir.

Bu gözlənilməz faciədən sonra doğma ocağın birliyi pozulmağa başlayır. Qorxular, xəyanətlər və keçmiş incikliklər ailə üzvlərini bir-birindən uzaqlaşdırır. Qəhrəmanların hər biri çətin qərarlarla üzləşir: şəxsi karyera, elm və vətən sevgisi ilə doğmaların sevgisi və ailə dəyərləri arasında seçim etmək məcburiyyətində qalırlar.

«Ailə albomu» adlı tarixi melodram serialı 2016-cı ildə Rusiyada istehsal olunub. Ekran əsərinin rejissoru Leonid Prudovskidir. Əsas obrazları İqor Sklyar, Tatyana Çerkasova, Daniil Straxov və Yekaterina Olkina canlandırıb.