Chesapeake Shores

İllər öncə memar Mik O'Brayen əcdadlarından qalan torpaqlarda, Çesapik körfəzi sahilində yeni bir icma salmaq qərarına gəlir. Lakin onun bütün vaxtını işə həsr etməsi şəxsi həyatına mənfi təsir göstərir, qardaşları ilə münasibətlərini pozur və evliliyinin dağılmasına səbəb olur. Həyat yoldaşı getdikdən sonra beş uşağın böyüdülməsini Mikin anası Nell öz üzərinə götürür.

Artıq böyümüş övladlar zaman keçdikcə doğma sahillərə qayıtmağa başlayırlar. «Chesapeake Shores» serialı ailənin yenidən bir araya gəlmək, ataları ilə ortaq dil tapmaq və onları tərk etdiyini düşündükləri anaları ilə barışmaq cəhdlərini təsvir edir. Çoxsaylı O'Brayen ailəsini bir arada tutan əsas dayaq isə yenə də nənə Nell olur.

ABŞ istehsalı olan bu dram serialı 2016-cı ildə yayımlanıb və cəmi altı mövsümdən ibarətdir. Layihənin rejissorları Terri İnqrem və Şon Maknamaradır, baş rolları isə Meqan Ori, Barbara Niven, Leysi C. Meyli və Emili Ullerup canlandırıblar.