Vəhşi Qərbdə

Çipin düzəltdiyi gözlənilməz ixtira işə düşərək onu və qardaşı Deyvi uzaq keçmişə aparır. Müasir dövrdən qopub Vəhşi Qərb mühitinə düşən iki qardaş kovboylar dövrünün qəribə və təhlükəli qaydaları ilə üz-üzə qalır.

Qəhrəmanlar həm öz doğma şəhərlərini bəladan qorumalı, həm də məktəb rəqsi başlamazdan əvvəl indiki zamana qayıtmağın yolunu tapmalıdırlar. Bu çətin yolda onlara keçmişdən və indiki zamandan olan rəfiqələri Ceyn, Luna və Liza dəstək olur. Yeniyetmələr əsl kovboy kimi davranmağa çalışarkən keçmişdəki addımlarının gələcəyə zərər vurmaması üçün diqqətli olmalıdırlar.

2016-cı ildə ABŞ və İspaniya tərəfindən istehsal olunmuş «Lost in the West» serialının rejissoru Karlos Qonsalesdir. Ekran əsərində əsas rolları Kaleb Tomas, Niko Qvardado, Fellon Smit və Cennifer Blanko canlandırıblar.