Greenhouse Academy

Özəl internat məktəbi istedadlı gəncləri böyük həyata və gələcək uğurlara hazırlayır. Bir zamanlar bu təhsil ocağında oxumuş Rayan Vuds Ayın ətrafına uçan ilk qadın astronavt olmağı arzulasa da, hazırlanan kosmik missiya qəza və ekipajın ölümü ilə nəticələnir. Həmin faciədən yarım il keçdikdən sonra mərhumun oğlu anasının başladığı yolu davam etdirmək üçün eyni məktəbə daxil olmağa qərar verir.

Bacısı Heyli qardaşının evdəki boşalacaq otağını götürmək niyyətində olsa da, gözlənilmədən hər iki yeniyetmə imtahanları uğurla verərək Greenhouse Academy tələbəsi adını qazanır. Birgə oxumağa başlayan bacı və qardaş üçün qapalı məktəb divarları arasında həyat ilk baxışdan göründüyü kimi asan keçmir və onlar müxtəlif çətinliklərlə üzləşirlər.

ABŞ istehsalı olan bu gənclik serialı 2017-ci ildə nümayiş olunub və ümumilikdə 4 mövsümdən ibarətdir. Ekran əsərinin quruluşçu rejissorları Roi Florentin və Amir Mann, baş rol ifaçıları isə Ariel Mortman, Finn Roberts, Kris O'Nil və Dallas Hartdır.