Ümid

Hadisələr 1899-cu ildə cərəyan edir. On beş yaşlı Mari bacı və qardaşı ilə birlikdə yetimxanada qalır. Onların dənizçi atası üç il əvvəl itkin düşüb və qızcığazdan başqa hamı onun öldüyünü zənn edir. Lakin Mari atasının sağ olduğuna inanmaqda davam edir.

Kiçik uşaqları övladlığa götürüb bacılarından ayırmaq istədikləri ərəfədə Mari atasının sağ ola biləcəyinə dair bir ipucu tapır. Doğmalarını itirmək istəməyən qız saçlarını kəsir, oğlan paltarı geyinir və yetimxanadan qaçır. Başqa bir şəxsiyyətə bürünən Mari ailəsini yenidən bir araya gətirmək ümidi ilə «Håbet» («Ümid») yük gəmisinə göyərtə xidmətçisi kimi daxil olur.

Danimarka istehsalı olan bu macəra və dram serialı rejissor Kristian E. Kristiansen tərəfindən ekranlaşdırılıb. 2018-ci il ekran işində əsas rolları Anine Lindvig, Albert Rudbek Lindhardt, Lars Brüqmann və Jon Lange canlandırıb.