Hanoy gəlini

Cənubi koreyalı həkim Park Eun Woo Hanoydakı xəstəxanada çalışarkən yerli sakin Ly Thi Vu ilə tanış olur və aralarında qarşılıqlı hisslər yaranır. Lakin qızın böyük bacısı bu münasibətə qarşı çıxır. O, vaxtilə koreyalı bir kişinin xəyanəti ilə üzləşdiyi üçün bacısının da eyni aqibəti yaşamasından ehtiyat edir.

Ailə vəziyyəti ilə əlaqədar Eun Woo təcili surətdə vətəninə qayıtmaq məcburiyyətində qalır. Yaranmış anlaşılmazlıq ucbatından sevgililər arasındakı bütün əlaqələr qırılır. Bir müddət sonra həkimin böyük qardaşı özünə həyat yoldaşı tapmaq məqsədilə Vyetnama yollanır və Koreyaya gətirdiyi gəlin məhz Ly Thi Vu olur.

2005-ci ildə ekranlara çıxan «Hanoi Bride» romantik serialının rejissoru Park Kyung Ryuldur. Cənubi Koreya istehsalı olan bu layihədə əsas obrazları Lee Dong Wook və Kim Ok Bin canlandırıblar.