Adriano İmperator

Braziliyalı hücumçu Adriano Leyte Ribeyronun uşaqlıq illəri Vila-Kruzeyro favelasında, futbolu dərindən sevən bir ailədə keçib. Gənc yaşlarından qeyri-adi istedadı ilə seçilən hücumçu «Flamenqo» klubunda parlaq oyun nümayiş etdirməyə başlayıb. On səkkiz yaşı tamam olanda isə o, Avropaya yollanaraq Milanın «İnter» komandası ilə müqavilə bağlayıb.

İtaliyada çıxış etdiyi dövrdə futbolçu azarkeşlərin böyük rəğbətini qazanıb, dünya miqyasında şöhrət tapıb və «İmperator» ləqəbini alıb. Lakin idman uğurlarının ən yüksək nöqtəsində vətənindən gələn kədərli xəbər onun həm gələcək taleyini, həm də karyerasını büsbütün dəyişib.

2022-ci ildə işıq üzü görən «Adriano İmperator» sənədli mini-serialı tanınmış idmançının yüksəlişini və həyat yolunu təqdim edir.