Omerta

Nüfuzlu və varlı Belçika ailəsinin başçısı Fransua Van Loonun vəfatından sonra onun mirası üç bacıya qalır. Mişel, Sofi və İzabel atalarının qurduğu böyük imperiyanı idarə etməyə başlayırlar. Lakin cəmiyyətdəki yüksək mövqenin və dəbdəbəli həyatın arxasında ailənin qaranlıq sirləri ilə intriqaları gizlənir.

İzabelin 19 yaşlı ögey oğlu Lukasın qəfil geri qayıdışı vəziyyəti tamamilə dəyişir. Qayıqda baş vermiş faciəvi hadisəni ört-basdır etmək üçün iki il əvvəl İspaniyaya göndərilən gənc yenidən doğma evə dönür. Onun gəlişi intiqam və manipulyasiyalarla müşayiət olunan sərt hakimiyyət mübarizəsinə yol açır.

«Omerta» adlı dram serialı 2026-cı ildə işıq üzü görüb. Ekran əsəri bir ailə daxilindəki nüfuz və sərvət qarşıdurmasından bəhs edir.