İki nəfərlik dünya

Əlaçı tələbə və ailəsinin sözünə baxan Alyona gözlənilmədən Maks adlı gənclə tanış olaraq ona aşiq olur. Maks isə onun tam əksidir: varlı iş adamının oğlu olan iyirmi beş yaşlı bu gənc indiyədək heç vaxt işləməyib. O, uşaqlıqdan bəri hər istədiyini əldə etməyə, vaxtını klublarda və içki məclislərində keçirməyə alışıb.

Təbiətlərinin və həyat tərzlərinin bu qədər fərqli olmasına baxmayaraq, onların arasında güclü hisslər yaranır. Lakin hər iki tərəfin valideynləri övladlarının bu münasibətinə qəti şəkildə qarşı çıxır. Böyüklər bu sevgini qəbul etmək istəmir və cütlüyün qarşısına müxtəlif maneələr çıxarmağa çalışırlar.

Rusiyanın «İki nəfərlik dünya» («Мир для двоих») adlı serialı 2014-cü ildə ekranlara çıxıb. Layihənin rejissoru Nataliya Srednikovadır. Baş rolları Marina Kaletskaya, İlya Yermolov, Aleksandr Qalibin və Marina Zaytseva canlandırıblar.