Future

Mühəndislik fakültəsində təhsil alan Fuse ətrafındakıların diqqət mərkəzində olsa da, şəxsi həyatında tənha qalıb və münasibət axtarışlarından yorulub. Təsadüfi bir qarşılaşma gəncin günlərini dəyişir: o, stomatologiya tələbəsi Ana ilə tanış olur. Ananın təbəssümü Fusenin qəlbində dərhal yeni bir hiss oyadır.

Sonradan məlum olur ki, Ana da uzun müddətdir Fuseni gizlicə bəyənir. Əvvəllər yayılmış yalan şayiələr ucbatından Fusenin başqası ilə sevgili olduğunu düşünən Ana ona yaxınlaşmağa cəsarət etmirdi. Artıq anlaşılmazlıq aradan qalxır və iki gənc bir-birini daha yaxından tanımağa başlayır.

«Future» adlı romantik serial 2023-cü ildə Tailandda çəkilib. Layihənin rejissor kürsüsündə James Niti Iam-amonniphit və Niink Karnpicha Sinlertpattana əyləşib, baş rolları isə Bigboom Jirayu Sahguansin ilə Boom Natthapat Chanchaisombat canlandırıb.