What If

Piç və Smart uşaqlıqdan qonşu olublar və musiqiyə olan ortaq maraqları onları bir-birinə daha da bağlayıb. İllər keçdikcə bir-birinə qayğı göstərən bu iki gənc arasında qarşılıqlı hisslər yaransa da, heç biri sevgisini etiraf etməyə cəsarət tapmır.

Piç məktəbi bitirib universitetə qəbul olanda yataqxanaya köçür və yeni tələbə mühitinə qatılır. Hələ də yuxarı sinifdə oxuyan Smart isə ayrılıqla barışa bilmir və Piçə qarşı hisslərinin nə qədər güclü olduğunu anlayır. O, sevdiyi insanın yanında olmaq və birlikdə müğənni olmaq xəyalını gerçəkləşdirmək üçün həmin universitetə imtahan vermək qərarına gəlir.

Tayland istehsalı olan «What If» serialı 2022-ci ildə işıq üzü görüb. Layihənin rejissor kürsüsündə Ryu Pakphum Jitpisutsiri və Niink Karnpicha Sinlertpattana əyləşib, baş rolları isə Smart Wattana Yaotao və Peach Phiravich Chotsatirasakul canlandırıb.