Nagini

Hindistan istehsalı olan «Nagini» serialı naqlar tayfasından olan və cildini dəyişə bilən Şivaninin taleyindən bəhs edir. Diqvicayın rəhbərlik etdiyi bir qrup insan onların məskəninə basqın edərək Şivaninin sevgilisi Adişeşanı qətlə yetirir. Hücum edənlər bununla kifayətlənməyib müqəddəs daş sayılan Naqmanini də oğurlayırlar.

Naqların Anası Şivaniyə sevgilisinin ruhunun insanlar aləmində yenidən doğulduğunu xəbər verir. Qisas almaq və müqəddəs daşı geri qaytarmaq istəyən qəhrəman yer üzünə yollanır. İnsanlar arasında axtarış apararkən o, Trişul və Trivikram adlı iki gənclə qarşılaşır; bu gənclərdən yalnız biri Adişeşanın yeni cildidir.

«Nagini» serialı 2021-ci ildə Hindistanda işıq üzü görüb. Ekran əsəri qədim əfsanələrə, intiqam və sevgi mövzusuna əsaslanır.