Piglets

Britaniya rəhbərliyi asayiş keşikçilərinin sayını təcili artırmaq qərarına gəlir və genişmiqyaslı işə qəbul kampaniyasına start verir. Tədris mərkəzinə polis sıralarına qoşulmaq istəyən altı yeni müdavim gəlir. Lakin bu gənclərin hər biri xidmətə tamamilə fərqli və bəzən şübhəli şəxsi səbəblərə görə qatılıb.

Onlara rəhbərlik etmək iki fərqli xarakterli zabitə — tələbkar Culi Spray və qeyri-adi davranışları ilə seçilən Bob Uiksə həvalə olunur. Təlimatçılar qısa müddət ərzində nizam-intizamsız və təcrübəsiz gənclərdən əsl qanun keşikçiləri yetişdirmək üçün çətin bir sınaqdan keçməli olurlar.

Böyük Britaniya istehsalı olan «Piglets» komediya serialı 2024-cü ildə işıq üzü görüb. Ekran əsəri xəyali polis kollecində tələsik kadr hazırlığının yaratdığı ziddiyyətli və gülməli vəziyyətlərdən bəhs edir.