Alfon prezident

Fransada dərin iqtisadi və sosial problemlər hökm sürdüyü bir vaxtda ölkə başçısı qəfil Yelisey sarayından yoxa çıxır. Vəziyyəti ört-basdır etmək istəyən hökumət rəhbərin xəstələndiyini bildirir. Eyni zamanda Senatdakı gizli siyasi gedişlər nəticəsində təqaüddə olan təvazökar tarix müəllimi Alfons Dümulen gözlənilmədən parlamentin yuxarı palatasına sədr seçilir.

Konstitusiyanın tələbinə əsasən, müvəqqəti dövlət rəhbəri vəzifəsi məhz Alfonsun üzərinə düşür. Beləliklə, heç bir idarəçilik təcrübəsi olmayan keçmiş müəllim dövlət xəzinəsindəki kəsir və defolt təhlükəsi ilə üz-üzə qalır. O, yaranmış böhrandan çıxmaq üçün praqmatik və gənc baş nazirlə birgə çalışmağa məcbur olur.

«Alphonse Président» adlı Fransa istehsalı olan serial 2017-ci ildə işıq üzü görüb. Ekran əsəri təsadüfən hakimiyyətə gələn sadə bir insanın ölkə rəhbərliyindəki fəaliyyətindən bəhs edir.