Son söz

Karla Faziusun iyirmi beş illik ailə həyatı həyat yoldaşı Stefanın qəfil vəfatı ilə alt-üst olur. Qadın bu kədərli itkinin ardınca ərinin ondan gizlətdiyi sirrlərlə və ailənin düşdüyü ciddi maddi problemlərlə üzləşir. Baş verənlər qəhrəmanı həyatına yenidən baxmağa və yaranmış çətinliklərdən çıxış yolu axtarmağa məcbur edir.

Dəfn mərasimində vida nitqi söyləyən Karla özündə qəribə bir qabiliyyət kəşf edir. Çox keçmədən o, Andreas Borovskinin dəfn bürosunda mərasim nitqləri yazan və onları səsləndirən mütəxəssis kimi fəaliyyətə başlayır. Qəbul olunmuş rəsmi qaydalardan kənara çıxan qadın vidalaşma prosesinə səmimiyyət, canlı hisslər və incə yumor qataraq adətləri dəyişir.

«The Last Word» adlı bu serial 2020-ci ildə işıq üzü görüb. Ekran əsəri itki ilə mübarizə aparan və həyatını fərqli axarda qurmağa çalışan bir qadının taleyindən bəhs edir.