S.E.R.E.G.

Yaxın Şərqdəki hərbi əməliyyat zamanı buraxdığı ağır səhvə görə polkovnik-leytenant Zsolt Qyörbiro döyüş tapşırıqlarından uzaqlaşdırılaraq qərargahda masaarxası xidmətə keçirilir. Aradan uzun illər keçdikdən sonra ona keçmişdəki səhvini düzəltmək üçün yeni imkan verilir. Zsolt atıcı tağına rəhbərlik etməli və İraqda keçiriləcək yeni NATO missiyasına yollanmalıdır.

Xidmətə qayıdış ərəfəsində zabit ailə daxilində də çətinliklərlə üzləşir. O, məsuliyyətsiz davranan tibb tələbəsi oğlu Marsini nizam-intizama öyrəşdirmək üçün ilkin hərbi hazırlıq kursuna göndərir. Eyni zamanda keçmiş döyüş yoldaşı polkovnik Tibor Horvat Zsoltun missiyaya komandirlik etməsinə mane olmağa və onu yararsız kimi göstərməyə çalışır.

«S.E.R.E.G.» adlı hərbi serial 2024-cü ildə işıq üzü görüb. Ekran əsəri keçmişin izlərini daşıyan təcrübəli zabitin həm xidmətdəki, həm də ailəsindəki sınaqlarını əks etdirir.