Fənd

Feliks antivirus proqramları hazırlayan şirkətdə çalışır və boş vaxtlarında kənar videooyunlardakı texniki nasazlıqları aradan qaldırır. Günlərin birində o, qlobal miqyasda tanınan R.W. Games studiyasından əməkdaşlıq təklifi alır. Şirkət rəhbərliyi gənc mütəxəssisə yeni layihəni sınaqdan keçirməyi və aşkar olunan nöqsanları düzəltməyi tapşırır.

İşə başlayan proqramçı təəccüblə görür ki, oyunun sistem kodunda heç bir xəta yoxdur və hər şey qüsursuz işləyir. Çox keçmir ki, Feliks studiyanın onu tamam başqa məqsədlər üçün cəlb etdiyini anlayır. Ən qəribəsi isə bu virtual sistemin birbaşa real həyata təsir göstərmək qabiliyyətinə malik olmasıdır.

«The Cheat» adlı serial 2017-ci ildə işıq üzü görüb. Ekran əsəri ümumilikdə üç mövsümdən ibarətdir.