Sevgi heç vaxt ölmür

Xəzinə axtaran Pravet və Cit adlı iki qardaş Əjdaha mağarasındakı qədim sərvətləri qarət etdikdən sonra yarasaların hücumuna məruz qalırlar. Bu hadisə hər ikisini ölümsüz vampirə çevirən lənətlə nəticələnir. Cəzadan xilas olmağın yeganə yolu talan edilmiş bütün əşyaları yerinə qaytarmaqdır, lakin qardaşlar arasında başlanan barışmaz nifaq sonradan onların övladlarına da sirayət edir.

Pravetin oğlu Traypum vəfat etmiş atasının vəsiyyətini yerinə yetirmək qərarına gəlir və əsrlər boyu insanlardan gizlənərək itmiş artefaktların axtarışını davam etdirir. Müasir dövrdə qədim əşyalarla bağlı işlər görən qəhrəmanın qarşısına Playçat adlı gənc qadın çıxır. Traypumun yanında işə düzələn Playçat rəhbərinin qəribə və izaholunmaz davranışlarını tezliklə hiss etməyə başlayır.

Tayland istehsalı olan «Rak Mai Mee Wan Tay» romantik serialı 2011-ci ildə nümayiş olunub. Layihənin rejissorluğunu Akkaraphon Boutang və Pla Peeraphon Thiancharoen həyata keçirib, baş rolları isə Dome Pakorn Lum və Ploy Chermarn Boonyasak canlandırıb.