Qütb parkı

Yaradıcılıq böhranı ilə üzləşən parizli detektiv yazıçısı David Russo anasının keçmişi ilə bağlı ailə sirrini öyrənmək üçün Fransanın ən soyuq kəndi olan Muta gəlir. O, yerli monastırda ona məktub yazmış rahiblə görüşməyi planlaşdırır. Lakin həmin şəxs Russo kəndə çatmamış müəmmalı şəkildə dünyasını dəyişir.

Bu hadisənin ardınca yerli park ərazisində kəsilmiş insan qulağı, çox keçmədən isə bütöv bir cəsəd aşkarlanır. Cinayət yerinin məşhur sənət əsərinə bənzədildiyini anlayan yazıçı burada qatil əməlinin izini görür. Beləliklə, o, rəsmi təhqiqata qarışaraq yerli jandarm Luveto ilə birlikdə işi araşdırmağa çalışır.

Kriminal detektiv janrındakı «Polar Park» serialı 2023-cü ildə təqdim edilib. Fransa kəndinin qarlı mühitində cərəyan edən ekran işi qəribə cinayətlərin izinə düşən tərəfdaşların hekayəsindən bəhs edir.