Digital Tattoo

Keçmiş prokuror Kentaro İvai artıq sadə bir vəkil kimi çalışır. O, vaxtilə korrupsiyaya bulaşmış siyasətçi Şuko İtonun katibinin intiharından sonra dövlət qulluğundan getməyə məcbur qalmışdı. İllər sonra onun yanına internetdə nifrət dalğası və təhdidlərlə üzləşən məşhur bloqer Tayqa hüquqi yardım almaq üçün gəlir. Gənc oğlan bildirir ki, həyatı təhlükədədir və naməlum şəxs artıq onu qatarın altına itələməyə cəhd edib.

Anonim təhdidlərin arxasındakı şəxsi axtarmağa başlayan İvai gözlənilməz bir həqiqəti öyrənir. Məlum olur ki, yeni müştəri onun karyerasını vaxtilə alt-üst etmiş siyasətçi İtonun kiçik oğludur. Müasir texnologiyalardan xeyli uzaq olan yaşlı hüquqşünas və internet ulduzu bu təhlükəli şəbəkə hücumlarının qarşısını almaq üçün qüvvələrini birləşdirirlər.

«Digital Tattoo» detektiv dram serialı 2019-cu ildə Yaponiyada istehsal olunub. Ekran əsəri rəqəmsal dünyanın gətirdiyi fəsadlar və iki fərqli nəslin qarşıdurması mövzusuna toxunur.