Korkma Ben Yanındayım

İnci sadə bir ailənin qızıdır və tibb təhsili almaq arzusu ilə nüfuzlu özəl «Ulusözlər» kollecində təqaüdlə oxuyur. Qızının yaxşı gələcəyi üçün valideynləri hər cür çətinliyə qatlaşır: anası qızının oxuduğu kollecdə xadimə işləyir, atası isə təhsil xərclərini qarşılamaqdan ötrü ağır zəhmət tələb edən işlər görür.

Buraxılış imtahanlarına hazırlaşdığı ərəfədə İnci sinif yoldaşı Mertdən hamilə qaldığını öyrənir. Mert həmin bu kollecin nüfuzlu sahibinin və direktorunun oğludur. Bu gözlənilməz xəbər həm hər iki gəncin gələcək planlarını təhlükə altına qoyur, həm də tamamilə fərqli sosial təbəqələrə mənsub olan ailələri üz-üzə gətirir.

«Korkma Ben Yanındayım» serialı Türkiyə istehsalıdır və 2024-cü ildə yayımlanmışdır. Çəkilən dram layihəsi iki gəncin həyatını dəyişən çətin hadisələrdən bəhs edir.