Qızlar

Fərqli xarakterlərə malik üç rəfiqəni eyni problem — tənhalıq birləşdirir. İnna ərinin xəyanətindən və boşanmadan sonra özünə gəlməyə çalışır, Vika şəxsi həyatındakı boşluğu işlə doldurur, Katya isə təkbaşına oğul böyüdür.

Tanışlarından birinin internet vasitəsilə ailə qurduğunu eşidən Katya rəfiqələrinə də bəxtlərini sınamağı təklif edir. Beləliklə, qadınlar tanışlıq tətbiqində qeydiyyatdan keçirlər. Virtual məkanda münasibət axtarışı hər üç qəhrəmanı gözlənilməz çətinliklər və gülməli vəziyyətlərlə üz-üzə qoyur.

Ukrayna istehsalı olan «Qızlar» (Дівчата) serialı 2021-ci ildə işıq üzü görüb. Ekran əsəri müasir dünyada sevgi axtarışı və qadın dostluğundan bəhs edir.